បើតាមពិន្ទុ​ក្នុងតារាង​​ ក្រុម​ ManUtd​ អាច​ឡើង​ទៅ​លេខ​រៀង​ទី៧​វិញ​ ប្រសិន​បើ​យក​​ឈ្នះ​​ Liverpool​​ ជា​ក្រុម​មិន​ដែល​ចាញ់​នារាត្រី​ថ្ងៃ​អាទិត្យ​ចុង​សប្តាហ៍​នេះ​!​

0
225

ក្រុមបិសាចក្រហម​ Manchester United​ កំពុងឈរនៅលេខរៀងទី១២ ដោយមានតែមាន ៩ពិន្ទុ ប៉ុន្តែអាចនឹងហក់ទៅកាន់លេខ៧ វិញ ប្រសិនបើគេរកបាន ៣ពិន្ទុទៀតក្នុងសប្ដាហ៍នេះ​ ដូច្នេះ ប្រសិនបើ Manchester United ​ អាចយកឈ្នះក្រុមភ្ញៀវ Liverpool ក្នុងសប្តាហ៍ទី៩ នារាត្រីថ្ងៃអាទិត្យចុងសប្តាហ៍នេះ​ (២០.១០.២០១៩) នៅកីឡដ្ឋាន Old Trafford។​

ទោះយ៉ាងណា​ Liverpool គឺជាក្រុម​ មិនដែលទាន់ចាញ់ និងស្មើក្រុមណាម្ដងនោះទេ  ខណៈពេលនេះ កំពុងក្តោបក្តាប់តំណែងកំពូលតារាងដ៏រឹងមាំ មាន២៤ពិន្ទុ​ ឆ្លងកាត់ ៨សប្តាហ៍នៃជើងទី១ នៅ Premier League រដូវកាលឆ្នាំ២០១៩-២០២០ នេះ។​

ជំនួបដ៏សំខាន់ដែលមិនអាចរំលងបាននេះ នឹងមានផ្សាយបន្តផ្ទាល់នៅលើកញ្ចក់ទូរទស្សន៍ទាំង ៣ប៉ុស្តិ៍តែម្តង​ គឺ ស៊ីធីអិន ស៊ីអិនស៊ី និងម៉ាយធីវី នៅវេលាម៉ោង ២២៖៣០នាទីយប់ (ម៉ោងនៅកម្ពុជា)៕​

 ​​