កក្រើកកាន់តែខ្លាំងហើយ​ ! ​ឧត្ដមសេនីយ៍​ឯក​ ហ៊ុន​ ជា​ តំណាងប្រជាជន ប្ដឹងបុគ្គល​ « នី​ ណាក់​ ឬ IMan-KH »​ ពីបទ « ប្រមាថ នាយករដ្ឋមន្ត្រី​ និង​ ប្រជាជន​កម្ពុជា​ »

0
84648

លោកឧត្ដមសេនីយ៍​ឯក​ ហ៊ុន​ ជា​ បានស្នើឱ្យសមត្ថកិច្ចជំនាញ​ចាត់វិធានការតាមច្បាប់ទៅលើបុគ្គល​ឈ្មោះ​ នី​ ណាក់​ ដែលមានអាខោនហ្វេសប៊ុកឈ្មោះ​ IMan-KH  បាន « ប្រមាថ នាយករដ្ឋមន្ត្រី​ និង​ ប្រជាជន​កម្ពុជា​ » ។ ​

លោកឧត្ដមសេនីយ៍​ឯក​ ហ៊ុន​ ជា ចង់ឃើញសមត្ថកិច្ចអនុវត្តវិធានការច្បាប់ ដូចដែលបានអនុវត្តទៅលើចំប៉ីខ្មៅ​ កន្លង​មក​ដូច្នោះដែរ​ ព្រោះថា​ ការប្រមាថមើលងាយមើលថោក​ ពី​សំណាក់​ ឈ្មោះ​ នី​ ណាក់​ ចំពោះ​ប្រជាជន​ដែលកំពុងជំពាក់​បំណុល​ធនាគារ​ ធ្វើឱ្យ​មហាជន​ផ្ទុះកំហឹងកក្រើកពេញបណ្ដាញសង្គមហ្វេសប៊ុក​ និងបានស្នើឱ្យសមត្ថកិច្ច​កសាងសំណុំរឿងចាត់ការបុគ្គលនេះតាមច្បាប់​។

ក្នុងអាខោនហ្វេសប៊ុករបស់ លោកឧត្ដមសេនីយ៍​ឯក​ ហ៊ុន​ ជា លោកបានសរសេរថា​ ​បើមានបងប្អូន​ណាស្គាល់ផ្ទះ​របស់​បុគ្គល​ « នី​ ណាក់​ ឬ IMan-KH  »​ សូមជួយប្រាប់ផង​ ដើម្បី​ឱ្យសមត្ថកិច្ច​ទៅរកគាត់យកមកចាត់ការតាមច្បាប់​ ៕​