សូម្បីតែបារាំងក៏ញ៉ាក COVID-19 ដែរ ! បារាំងកំពុងតែឈានទៅដល់ការបិទសាលារៀនជាទូទៅហើយ​

0
291

ប្រធានាធិបតីបារាំង លោក អែមម៉ានុយអែល ម៉ាក្រុង  បានធ្វើការប្រកាសស្ដីពីការបិទសាលារៀនទាំងអស់នៅក្នុងប្រទេសបារាំង នៅថ្ងៃចន្ទ ទី១៦ ខែមីនា​ សប្ដាហ៍ក្រោយនេះ​  ដែលនេះជាការថ្លែងសាររបស់ លោក ម៉ាក្រុង តាមកញ្ចក់ទូរទស្សន៍ ទៅប្រកាន់ប្រជាជាតិបារាំង ជុំវិញការប្រយុទ្ធប្រឆាំងនឹងជំងឺរាតត្បាតសាកល COVID-19 ដែលបានផ្ដាច់ជីវិតប្រជាជនបារាំង ៦១នាក់ និងអ្នកឆ្លងជាង ២,៩០០នាក់។

សារព័ត៌មាន CNA បានផ្សាយនៅរសៀលថ្ងៃទី១៣ ខែមីនា​ ឆ្នាំ២០២០ ឱ្យដឹងថា​ លោក ម៉ាក្រុង បានគូសបញ្ជាក់ថា សាលារៀននៅក្នុងប្រទេស រាប់ចាប់ពីសាលាមត្តេយ្យ ដល់សាកលវិទ្យាល័យ នឹងត្រូវបិទទ្វារជាបណ្ដោះអាសន្ន​ ចាប់ពីថ្ងៃចន្ទសប្ដាហ៍ក្រោយតទៅ (ថ្ងៃទី១៦ មីនា ២០២០)  រហូតដល់មានការជូនដំណឹងជាថ្មី ខណៈបារាំងកំពុងប្រឈមនឹងវិបត្តិសុខាភិបាលធ្ងន់ធ្ងរប្រចាំសតវត្សរ៍ដោយសារ COVID-19 ៕